Menu
Indimi

Icyorezo COVID-19

Ubushakashatsi Bwemeje Ko Inkingo Ebyiri Za Pfizer Na AstraZeneca Zikora Neza Kuri Delta

Yanditswe kuwa

Ubushakashatsi bwasohotse kuri uyu wa Gatatu bwemeje ko inkingo ebyiri za Pfizer cyangwa AstraZeneca zihagije mu kurinda umuntu kuzahazwa na Coronavirus yihinduranyie ya Delta, yagaragaye bwa mbere mu Buhinde.

Ni ubushakashatsi bwatangajwe muri New England Journal of Medicine, butanga ihumure ku bihugu birimo u Rwanda bihanganye n’ubwiyongere bukabije bw’ubwandu bushya bwa Coronavirus yihinduranyije ya Delta.

Bwerekanye ko umuntu wahawe inkingo ebyiri za Pfizer zimuha ubwirinzi bwa 88% ku kugaragaza ibimenyetso bya Delta, mu gihe kuri coronavirus yihinduranyije ya Alpha yagaragaye bwa mbere mu Bwongereza, ubwirinzi bugera kuri 93.7%.

Ni mu gihe uwahawe inkingo ebyiri za AstraZeneca zimuha ubwirinzi bwa 67% ku kugaragaza ibimenyetso kuri Delta, aho kuba 60% yatangazwaga mbere.

Kuri coronavirus ya Alpha ni 74.5%, mu gihe mbere havugwaga 66%.

Imibare yaherukaga gutangazwa muri Israel yerekanye ko urukingo rwa Pfizer rutanga ubwirinzi buri hasi ku kugaragaza ibimenyetso bya COVID-19, ariko ubushobozi bwo kurinda umuntu kuremba bwakomeje kuba hejuru.

Ikigo cy’Ubuzima mu Bwongereza, Public Health England, cyaherukaga gutangaza ko urukingo rwa mbere rwa COVID-19 rushobora gutanga ubwirinzi bwa 33% ku kurinda umuntu kugaragaza ibimenyetso bya Delta.

Ubushakashatsi bwuzuye bwatangajwe kuri uyu wa Gatatu bwerekanye ko urukingo rumwe rwa Pfizer rukora kuri 36%, mu gihe urwa AstraZeneca ari 30%.

Abakoze ubu bushakashatsi banditse bati “Ibyo twabonye ku igabanyuka ry’ubushobozi butangwa n’urukingo rwa mbere bikwiye gutera imbaraga uburyo bwo gutanga inkingo ebyiri ku bantu bari mu byago byinshi, bijyanye n’ikwirakwira rya virusi yihinduranyije ya Delta.”

Abashakashatsi baheruka kwemeza ko n’izindi nkingo nka Johnson & Johnson na Sputnik y’Abarusiya zikora neza mu gutanga ubwirinzi kuri Delta.

 

 

 

 

 

Tanga igitekerezo

Tanga igitekerezo

Your email address will not be published. Required fields are marked *

Advertisement

English Version

Advertisement
WeCreativez WhatsApp Support
Mutwandikire turabasubiza
Twandikire