Menu
Indimi
Advert

Imikino

Umushahara Wa Mirafa mu Yindi Kipe Yo Muri Zambia Wikubye Kabiri

Yanditswe

kuwa

Nizeyimana Mirafa wahoze muri Rayon Sports akaba asanzwe akina hagati yaraye asinyE amasezerano y’imyaka ibiri (2) muri Zanaco FC yo muri Zambia. Azajya ahembwa byikube kabiri ayo yari yarijejwe muri Napsa Stars.

Yabwiye Taarifa ko yageze muri Napsa FC asanga nta kindi bakora uretse kumuzirika ku katsi. Umukozi we umufasha gushakisha ikipe( agent) yamugiriye inama yo gushakira ahandi, baza kubona umwanya muri Zenaco FC.

Mbere y’uko asinya muri Zenaco FC yagombaga kubanza gutegereza uruhushya rwagombaga gutangwa na Rayon Sports kugira ngo yemererwe kugurana ikipe kuko iyo yari yagiyemo hari amasezerano yari ifitanye na Rayon Sports.

Amakuru yavugaga ko Napsa Stars yumvikanye na Nizeyimana Mirafa ko  azagurwa 20.000$, kuko yari agifite amasezerano ya Rayon Sport ya yagombaga yo kuyiha  7000$.

Kuwa Kane tariki 04, Gashyantare, 2021 nibwo uruhushya rwamugezeho bityo aba yugururiwe amarembo.

Zanaco FC  ni ikipe yashinzwe mu 1985, ikinira ku kibuga cyitwa Sunset Stadium.  Yatwaye ibikombe birindwi bya Shampiyona y’icyiciro cya mbere muri Zambiya  ni ukuvuga kuva  (2002, 2003, 2005, 2006, 2009, 2012, 2016) n’igikombe kimwe cy’igihugu.

Yakinnye imikino y’amatsinda ya Champions League muri 2017.

 

Uko amakipe ya Zambia yirinda COVID-19…

Mirafa avuga ko mu rwego rwo kurinda ko abakinnyi bo muri Zambia bandura cyangwa bakanduza bagenzi babo COVID-19, bapimwa iki cyorezo kabiri mu Cyumweru.

Ati: “ Inaha badupima iki cyorezo kabiri mu Cyumweru kandi uyigaragaweho ahita ashyirwa mu kato.”

Ikindi kiriyo kandi kihariye ni uko abafana b’aho bajya kureba umupira bambaye agapfukamunwa.

Nizeyimana Mirafa  ni umusore w’imyaka 25.

Yakiniye  amakipe atandukanye hano mu gihugu harimo Marines FC yakiniye kuva 2012 kugeza 2014 ayivamo yerekeza muri  Etincelles FC yakiniye kuva 2014 kugeza 2016.

Muri 2016 yerekeje Police FC kuva  2016 kugeza 2018, ahava ajya  muri  APR FC n’aho ahamara umwaka umwe akomereza muri Rayon Sports.

Advertisement
Kanda utange igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement https://taarifa.rw/wp-content/uploads/2021/03/TC_ad.gif

INKURU ZIKUNZWE

Baza cg Dusangize inkuru