Kuri uyu wa Gatanu, nibwo Police VC yageze ku mukino wa nyuma wa Shampiyona ya Afurika ya Volleyball 2026 itsinze REG VC muri 1/2 amaseti 3-1.
Hari mu mukino wabereye muri Bk Arena mu ijoro ryo kuri uyu wa Gatanu urangira Police VC yahabwaga amahirwe yegukana iyo ntsinzi.
Iseti ya mbere yayitsinze ku manota 25-20, iya kabiri y’umukino yegukanywe na REG itsinze amanota 25-22 naho iya gatatu yegukanwa na Polisi VC ku manota 25 kuri 21.
Kugira ngo hagire ikipe itwara uwo mukino igere ku mukino wa nyuma, byasabaga gukina amaseti abiri maze ikipe iyatwaye ikaba ari yo yegukana umukino.
Police VC yabigezeho ibanje gutsinda iseti ya gatatu yari iya kabiri yayo ku manota 25-17 ndetse inabisubira itwara iya kane yari iya gatatu yayo yatsinze ku manota 25-21 itsinda umukino ityo ku maseti 3-1.
Byatumye Police VC igera ku mukino wa nyuma w’iyi Shampiyona ya Afurika ya Volleyball 2026 iri kuba ku nshuro ya 47 aho ari ubwa mbere u Rwanda rugizemo ikipe igera ku mukino wa nyuma.
Kuri uyu wa Gatandatu tariki 02, Gicuras, 2026 nibwo hari bube umukino wa nyuma uri bubere muri BK Arena ugahuza Police VC na Al Ahly yo mu Misiri.
