Urwego Rushinzwe Iterambere mu Rwanda (RDB) rwatangaje ko guhera tariki 05, Gicurasi, 2026, inyubako yarwo iherereye ku Gishushu izafungwa by’agateganyo kubera imirimo yo kuyivugurura.
Hashize iminsi mike, abakozi bakorera muri iyi nyubako bamenyeshejwe ko bagomba kwitegura kwimuka.
RDB ivuga ko ibigo byakoreraga muri iyi nyubako, bigiye kwimurirwa mu bindi biro ku buryo bw’agateganyo.
Mu bigo byabarizwaga muri RDB Building harimo RDB, RCB, RMB, RHA na REMA.
Hari n’ikigo gishize gahunda zifasha ba rwiyemezamirimo kitwa One Stop Center cyakoreraga muri iyi nyubako.
RDB yasobanuye ko mu gihe iyi nyubako izaba iri kuvugururwa, ibigo byose byayikoreragamo bizakomeza imirimo yabyo isanzwe, ariko bikorera mu bindi biro by’agateganyo bizatangazwa mu gihe kiri imbere.
