Airtel Rwanda yifatanyije na ZTE mu kugeza ku Banyarwanda telefone igendanwa y’ubwenge yitwa ZTE Blade A36 binyuze muri gahunda ya ‘HITAMO IBIRENZE’
Iyo telefoni ifite ikirahure kinini ku ngano ya ‘6.7-inch’ batiri ikomeye ifite 5000mAh, ububiko bwa 64GB na camera y’inyuma ya 13MP.
Uyishaka azajya ayibona ku mashami yose ya Airtel (Airtel Service Centers) mu gihugu hose.
Iyi ni telefone nziza cyane ku bakiriya bifuza guhora basabana n’ababo, gukorera kuri telephone no kwidagadura.
Mu rwego rwo gutanga ibirenze nk’uko Airtel Rwanda isanzwe ibigenza, abakiliya bazagurira iyi telefone ku mashami ya Airtel bazahabwa iminota yo guhamagara k’ubuntu mu gihe cy’ukwezi kose ku mirongo yose ndetse na 1GB buri munsi mu gihe cy’iminsi 30.
Iki gikorwa cyerekana ko imikorere ya Airtel Rwanda mu guharanira ko Abanyarwanda batunga telefoni zibafasha mu kazi no mu gusabana ikomeje.
Ikindi ni uko iyi gahunda ije yongera imbaraga ku muhigo ukomeye wa Airtel Rwanda yise “HITAMO IBIRENZE” ugamije guha abakiliya uburyo bwo gusabana uko babishaka bitabahenze.
Ibindi bazungukira muri iyi gahunda ni ibi bikurikira:
- Umuyoboro wa 4G 100% mu Rwanda hose, utanga itumanaho ryihuse kandi ryizewe mu gihugu cyose,
- Telefone zigezweho ku giciro cyiza waba ugura ZTE Blade A36 icyarimwe cyangwa mu byiciro ku mashami ya Airtel,
- #NiZero: Kohereza amafaranga ku mirongo yose na Banki ni ubuntu ukoresheje Airtel Money,
- Ibiciro bibereye buri wese ukunda guhamagara no gukoresha murandasi, Packs zihera kuri Frw 100 kugeza kuri Frw 5,000,
- “My Airtel App” ifasha abakiriya kugura serivisi bakeneye byihuse kandi byoroshye,
- Ingamba zikaze zashyiriweho gukumira no kurinda abakiriya ubwambuzi n’uburiganya, ibi bikaba byerekana agaciro Airtel iha umutekano w’abakiliya bayo,
Ku bijyanye n’ubufatanye, umuyobozi mukuru wa Airtel Rwanda, Sujay Chakrabarti, yavuze ko gutangaza iriya telefoni biri mu muhigo udasubirwaho wa Airtel wo guha abakiriya bayo ‘ibirenze’.
Ubwo yagezaga ijambo ku bitabiriye imurika ry’iyi telefoni kuri uyu wa Kane, yagize ati: “Muri Airtel Rwanda, twemera ko ikoranabuhanga rya dijitari ritagenewe abantu mbarwa ahubwo ko buri wese akwiriye kurikoresha. Binyuze muri gahunda yacu ya ‘HITAMO IBIRENZE’, twiyemeje guha abakiriya bacu byinshi birenze mu itumanaho ku biciro bitagoranye, mu buryo bworoshye n’amahirwe menshi yo kugira uruhare mu bukungu bushingiye ku ikoranabuhanga rya dijitari mu Rwanda.”
Avuga ko ubufatanye bw’ikigo cyabo na ZTE buzageza telefone nziza kuri buri wese ku giciro cyiza, bityo bigafasha Abanyarwanda benshi kurushaho kugera ku byiza byinshi umunsi ku wundi.
Yatangaje ko Airtel Rwanda imaze imyaka 10 ikorana na ZTE mu bijyanye n’ikoranabuhanga mu itumanaho n’ibikorwa bya dijitari.
Abo muri ZTE bavuga ko biyemeje gushyiraho ikoranabuhanga rigezweho rituma ibyiza by’ikoranabuhanga rya dijitari rigera kuri buri wese.
Bemeza ko iriya telefoni ari nziza, ihendutse kandi yagenewe gufasha abayitunze mu buzima bwa buri munsi.
Telefone ya ZTE Blade A36 iboneka mu mashami yose ya Airtel mu Rwanda aho abakiriya bahabwa uburyo bwo kuyigura; byaba icyarimwe cyangwa mu byiciro.
Ikindi kandi, Airtel Rwanda na ZTE bafite intego yo kwagura ubufatanye bongera amoko ya telefone zigezweho zigenewe abakiriya batandukanye harimo n’izisumbuyeho mu bushobozi.
Gahunda kandi ngo ni ukorohereza abakiliya kugura izo telefoni cyangwa irindi koranabuhanga rya Airtel Rwanda bakoresheje Airtel Money.
