Inama nkuru y’ubucamanza yateranye kuri uyu wa Gatatu italiki 30, Nzeri, 2026 yashyize abacamanza mu nkiko zo hirya no hino mu gihugu, ifata n’indi myanzuro igaragazwa mu bikurikira:
Yari iyobowe na Perezida w’Urukiko rw’Ikirenga Mukantaganzwa Domitilla akaba na Perezida w’Inama Nkuru y’Ubucamanza.
Ibyemezo byafashwe:
- Yemeje ibyemezo byari byafashwe by’agateganyo na Biro y’Inama Nkuru y’Ubucamanza.
- Yashyize abacamanza n’abanditsi b’inkiko mu myanya itari ifite abayirimo, yimura bamwe mu babisabye n’abandi mu nyungu z’akazi.
- Yimuye Abaperezida b’Inkiko Zisumbuye mu buryo bukurikira:
1) NKUNDAKOZERA Jean Marie Vianney wari Perezida w’Urukiko Rwisumbuye rwa HUYE yimuriwe mu Rukiko Rwisumbuye rwa RUBAVU;
2) TWAGIRUMWAMI MUPENDA Martin wari Perezida w’Urukiko Rwisumbuye rwa
GICUMBI yimuriwe mu Rukiko Rwisumbuye rwa HUYE;
3) MUREBWAYIRE IMANZI Alphonsine wari Perezida w’Urukiko Rwisumbuye rwa
GASABO yimuriwe mu Rukiko Rwisumbuye rwa GICUMBI;
4) MUSABYIMANA Valens wari Perezida w’Urukiko Rwisumbuye rwa RUBAVU yimuriwe mu Rukiko Rwisumbuye rwa GASABO.
- Yimuye Abaperezida b’Inkiko z’ibanze mu buryo bukurikira:
1) NYINAWUMUKIZA Furaha wari Perezida w’Urukiko rw’Ibanze rwa NYARUBUYE
yimuriwe mu Rukiko rw’Ibanze rwa SAKE;
2) NZATEGEREZA Leonard wari Perezida w’Urukiko rw’Ibanze rwa KAGANO yimuriwe mu Rukiko rw’Ibanze rwa BYUMBA
- Yashyizeho Abaperezida b’Inkiko z’Ibanze bashya mu buryo bukurikira:
1) UMUTESI Sonia wari umucamanza w’Urukiko rw’Ibanze rwa NGOMA yagizwe
Perezida w’Urukiko rw’Ibanze rwa KAMEMBE;
2) KAGAME Faustin wari umucamanza w’Urukiko rw’Ibanze rwa NYARUGENGE
yagizwe Perezida w’Urukiko rw’Ibanze rwa KAGANO;
3) NTEZIMANA Théophile wari umucamanza w’Urukiko rw’Ibanze rwa KICUKIRO yagizwe Perezida w’Urukiko rw’Ibanze rwa NYARUBUYE.
- Yazamuye mu ntera ntambike abacamanza n’abakozi b’inkiko bari bagejeje igihe mu mwaka w’ubucamanza wa 2025-2026.
- Yemeje ko MUNYANGERI NGANGO Innocent wahoze ari umucamanza w’Urukiko rw’Ubujurire na NDINDA NGANGO Julien wahoze ari umucamanza w’Urukiko Rukuru, bombi bakaba bari mu kiruhuko cy’izabukuru, bahabwa Izina ry’icyubahiro.
