Inzego z’ubuzima zikomeje gukingira icyorezo cya Covid-19, haherewe ku byiciro bifite ibyago byinshi byo kwandura cyangwa kuzahazwa n’icyo cyorezo.
Bamwe mu bakingiwe uyu munsi ni abanyerondo, abatwara abagenzi muri bus, abatwara amakamyo n’abakorera amasosiyete yigenga acunga umutekano.
Minisiteri y’Ubuzima yatangaje kuri Twitter iti “Uyu munsi abanyerondo bagera mu 2000 baturutse mu bice bitandukanye muri Kigali barimo gukingirwa Covid-19 ahabera imurikagurisha i Gikondo.”
Abanyerondo bahura n’abaturage benshi buri munsi ku buryo baba bafite ibyago byo kwandura.
Uretse abanyerondo, abakozi b’ibigo bicunga umutekano byigenga bakingiwe. Abagera ku 1.500 bakingiriwe muri Kigali Arena.
Minisiteri y’Ubuzima yakomeje iti”Aba bakozi bahura n’abantu benshi mu kazi kabo ka buri munsi.”
Gukingira COVID-19 byatangiye ku wa 5 Werurwe 2021.
Abamaze gukingirwa bose hamwe barenga 254.000.
