Menu
Indimi
Advert

Iterabwoba

Abatalibani Barekuye Imfungwa Zose Ziri Muri Gereza Bafashe

Yanditswe kuwa

Kuri uyu wa Gatandatu tariki 07, Kanama, 2021 nyuma yo kwigarurira agace ka Jawzjan karimo umujyi w’ahitwa Sheberghan , Abatalibani barekuye imfungwa zari zifungiye muri iyo gereza.

Hari video yagaragaye ku mbuga nkoranyambaga yerekana izo mfungwa zisohoka muri gereza ziruka.

Kubohora ziriya mfungwa ni ikintu gikomeye kandi cyarushijeho guca intege ingabo za Leta

Sheberghan niho Bwana Abdul Rashid Dostum wahoze ari Visi Perezida wa Afghanistan.

Abahatuye bari bamaze iminsi basabwa guhaguruka bakarwanya Abatalibani batizigamye.

Hari amakuru atangazwa na BBC avuga ko kugeza ubu hari abaturage 150 bihuje n’ingabo za Afghanistan ngo bazifashe guhangana na bariya barwanyi.

Akandi gace Abatalibani baherutse kwigarurira ni akitwa Zaranj mu Ntara ya  Nimroz.

Ubu urugamba rwo kwigarurira izindi Ntara zirimo Herat, Kandahar na Lashkar Gah rurarimbanyije.

Abatalibani  baherutse kurasa kandi bica uwahoze ari Umuvugizi wa Perezida wa Afghanistan Ashraf Ghani, bamwiciye mu Murwa mukuru Kabul.

Imfungwa zikunze kurekurwa n’abarwanyi bafashe agace zifungiwemo

Muri icyo gihe kandi bateze igisasu kuri Minisiteri y’ingabo ya Afghanistan bashaka kwica Minisitiri ariko Imana ikinga akaboko.

Kuki Inyeshyamba Zikunze Kurekura Imfungwa z’aho zafashe?

Ni ibintu bikunzwe gukorwa n’abarwanyi ahantu aho ari ho hose abarwanyi bageze.

Zimwe mu mpamvu zibitera ni ukugira ngo bazamure icyizere muri abo bafungwa ndetse n’abo mu miryango yabo.

Iyo inyeshyamba zifunguye abafungwa bizifasha no kubona abarwanyi bazifasha cyane cyane iyo hari mo bamwe bumva ko bafunzwe barengana.

Mu mfungwa kandi haba harimo abasanzwe bazi neza uko agace runaka gateye, k’uburyo baba bashobora gufasha inyeshyamba kugira amakuru y’inyongera yazifasha mu guhashya ingabo za Leta.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement