Amabuye u Rwanda Rwohereza Hanze Akomeje Kurwungura

Ikigo cy’igihugu gishinzwe ubucukuzi, mine na gazi gitangaza ko mezi atatu ashize( Nyakanga-Nzeri)mu mabuye yose  u Rwanda rwohereje hanze, zahabu ari yo yarwinjirije  amafaranga menshi.

Muri Nyakanga, rwacukuye ingana n’ibilo 1,155 afite agaciro ka $73, 181, 036, muri Kanama rucukura ibilo 1,000 bifite agaciro ka $62, 156, 101 naho muri Nzeri rucukura ibilo 845 bifite agaciro $52, 676, 671.

Ibuye rya kabiri mu kwinjiza amadovize menshi ni Wolfram.

Muri Nyakanga hacukuwe ingana n’ibilo 237,116 bifite agaciro ka $ 3,040,783;  muri Kanama hacukururwa ibilo 198,409, bifite agaciro ka $ 2,663,971, muri Nzeri hacukurwa ibilo 218,802 bifite agaciro ka $ 2,711,206.

- Advertisement -

Ibuye rya gatatu mu kwinjiriza u Rwanda ni Coltan.

Iri buye muri Nyakanga, 2023 ryacukuwe ringana n’ibilo  189,183 bifite agaciro ka $ 8, 145, 587, muri Kanama, hacukurwa ibilo 141,658, bifite agaciro ka $ 5, 827, 562 n’aho muri Nzeri hacukurwa ibilo 208, 155 bifite agaciro ka $9, 313, 654.

Ku mwanya wa kane hatahirwa ibuye rya gasegereti.

Muri Nyakanga, 2023 hacukuwe ibilo 294, 717 bifite agaciro ka $ 5, 367, 704, muri Kanama hacukuwe ibilo 415, 482 bifite agaciro ka $6, 906, 567 n’aho muri Nzeri, 2023 hacukurwa ibilo 440, 176 bifite agaciro ka $ 6, 783, 099.

Andi mabuye muri Nyakanga yose yacukuwe angana ibilo 1, 210, 458 afite agaciro $ 1, 085, 647.

Muri Kanama hacukuwe angana n’ibilo 1, 219, 670 afite agaciro $ 1, 249, 889 n’aho muri Nzeri hacukuwe amabuye hamwe angana n’ibilo 739, 711 afite agaciro ka $713, 714.

Imibare y’ikigo cy’igihugu gishinzwe ubucukuzi bw’amabuye, mini na gazi ivuga ko muri rusange amabuye u Rwanda rwagurishije mu mahanga yiyongereye ku kigero cya 22.4% ugereranyije n’uko byari bimeze mu mezi nk’ayavuzwe haruguru yaranze umwaka wa 2022.

Muri uyu mwaka yageze ku bilo 5, 516, 538 bifite agaciro ka $241, 823, 194 mu gihe mu mezi nk’ayo mu mwaka wa 2022 yari ibilo 4, 321, 566 bifite agaciro ka $ 197, 496, 029.

Share This Article
Tanga igitekerezo

Leave a Reply

Your email address will not be published. Required fields are marked *

Exit mobile version