APR Volleyball Club na APR Women Volleyball Club zegukanye Irushanwa ryitiriwe Nyerere ryiswe Nyerere Cup ryaberaga muri Tanzania.

Kuri uyu wa Mbere taliki 14, Ukwakira, 2024 nibwo ryarangiye APR VC itsinda Rukinzo VC y’I Burundi amaseti 3-1 mu gihe iy’abagore yitwa APR WVC yatsindaga Tanzania Prisons amaseti 3-0 nayo icyegukana ityo.

Umutoza mukuru wa APR VC, Peter Kamasa, yabaye umutoza mwiza w’irushanwa, amakipe yombi akaba ari bugere i Kigali kuri uyu wa Kabiri.

Izi kipe zo mu Rwanda zakinnye iyo mikino mu rwego rwo kwitegura neza Shampiyona ya 2024-2025.