Imikino
AS Kigali izahura n’Ikipe yo muri Tunisia
Ibyavuye muri tombola imaze amasaha make ibaye, byerekanye ko AS Kigali izahura n’Ikipe yo muri Tunisia yitwa Club Sportif Sfaxien.
Iyi kipe yo muri Tunisia ifite amateka maremare kuko yashinzwe muri 1928, ikaba yaragiye mu kiciro cya mbere cya Shampiyona ya Tunisia muri 1978.
Fan Club yayo ya mbere yashinzwe muri 1950.
AS Kigali iherutse kubona itike yo kuzakina imikino y’amajonjora ya kabiri yo kujya mu matsinda.
Yabonye iriya tike ku bw’imbabazi z’Imana kuko yari yatsinzwe(3-1) ariko icyo kimwe kiyihesha amahirwe yo gukomeza kuko mu mukino wabanje i Kigali AS Kigali nabwo yagize amahirwe y’uko hari abakinnyi ba KCCA banduye COVID-19 bityo KCCA iterwa mpaga.
Iri mu marushanwa y’amakipe yabaye aya mbere iwayo bita CAF Confederations Cup.
