Menu
Indimi
Advert

Ubuzima

Banki y’Isi Yemereye U Rwanda Miliyoni $30 Zo Kugura Inkingo Za COVID-19

Yanditswe kuwa

Inama y’ubutegetsi ya Banki y’Isi yemeje miliyoni $30 z’inyongera – ni ukuvuga hafi miliyari 30 Frw – zigenewe u Rwanda, zizifashishwa mu kugura no gukwirakwiza inkingo za COVID-19 mu gihugu.

Ni icyemezo cyatangajwe na Banki y’Isi kuri uyu wa Gatanu.

Iyo nkunga ya kabiri ya Banki y’Isi ihawe u Rwanda yatumye umusanzu wayo mu bikorwa byo guhangana na COVID-19 ugera kuri miliyoni $45.19.

Minisiteri y’Imari n’Igenamigambi iheruka gutangaza ko gahunda yo kugura no gutanga inkingo za COVID-19 izasaba u Rwanda miliyoni $120, naho mu buryo bw’igihe gito ikazasaba miliyoni $47.

Umuyobozi wa Banki y’Isi mu Rwanda Rolande Pryce yatangaje ko u Rwanda rwihutiye gufata ibyemezo bikwiye, kuva COVID-19 yagera mu gihugu.

Ati “Banki y’Isi yishimiye gutera inkunga guverinoma, mu bufatanye n’abandi bafatanyabikorwa mu iterambere, mu rugendo rwo gukingira abaturage 60% mbere y’uko umwaka wa 2022 urangira.”

Guverinoma y’u Rwanda ifite intego yo gukingira 30% by’abaturage bose mbere y’uko uyu mwaka urangira, na 60% mbere y’uwa 2022, bangana na miliyoni 7.8.

Kugeza ubu abantu hafi ibihumbi 350 mu Rwanda bamaze guhabwa urukingo rwa mbere rwa COVID-19.

Minisitiri w’Ubuzima Dr Daniel Ngamije aheruka gutangaza ko guverinoma yaguze izindi nkingo ibihumbi 500 za AstraZeneca zizifashishwa mu cyiciro cya kabiri cyo gukingira abafite ibyago byo kwandura kurusha abandi.

Nimugihe abasaga 50.000 bahawe urukingo rwa Pfizer barimo guhabwa n’urwa kabiri.

Uretse inkingo u Rwanda rwaguze, binyuze muri gahunda mpuzamahanga ifasha ibihugu bikennye kubona inkingo za COVID-19, COVAX, rwemerewe inkingo 1.260.000 za AstraZeneca ziziyongeraho izindi 102.960 za Pfizer-BioNTech.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement Enter ad code here