Menu
Indimi

Icyorezo COVID-19

Bemeza Ko Guterwa AstraZeneca Ya Gatatu Birinda Omicron Ku Kigero Kinini

Yanditswe kuwa

Abahanga bo muri Kaminuza ya Oxford  bavuga ko urukingo rwa AstraZenica bakoze rwagaragaje ko rufite ubushobozi buhagije bwo gutuma uwaruhawe agira umubiri ufite ubudahangarwa buhagije ku bwandu bushya bwa COVID-19 bwitwa Omicron.

Ibi barabyemeza nyuma y’uko bapimwe impagaririzi( sample) y’abantu bahawe urukingo rushimangira rwa AstraZenica.

Ubushakashatsi buherutse gukorwa n’abahanga bo muri Oxford bwerekanye ko abantu bahawe urukingo rwo gushimangira rwo mu bwoko bwa AstraZenica bagize abasirikare bari

Bivugwa ko abahawe ruriya rukingo bagize abasirikare benshi ugereranyije n’abantu bahawe inkingo ebyiri gusa.

Abasirikare bo mu mibiri yabo barazamutse k’ubruyo bugaragara ugereranyije n’uko imibiri yabo yari yihagazeho mu bihe bya mbere bya COVID-19 ikiri  Alpha, Beta na Delta.

Abasirikare bitwa T-cells

Urukingo rwa kabiri rwa COVID-19 rwo mu bwoko bwa AstraZenica rwafashije abantu kutaremba kubera ubwandu bwa Delta mu gihe urukingo rwa gatatu( rushimangira) rufasha abantu kutarembywa na Omicron.

Iyi niyo mpamvu za Leta ziri gusaba abaturage guhabwa urukingo rwa gatatu rushimangira ubudahangarwa.

Imibare yatangajwe n’abahanga bo muri Kaminuza ya Oxford yerekana ko abantu 41 bakoreweho ubushakashatsi byagaragaye ko amaraso yabo yiremyemo ubudahangarwa buhagije nyuma yo guhabwa urukingo rwa gatatu rwa AstraZeneca.

Ibyavuye muri buriya bushakashatsi bwamuritswe mu kinyamakuru kivuga ku makuru y’ubuvuzi kitwa bioRxiv pre print server.

Umwarimu muri Kaminuza witwa Professor Sir John Bell, wigisha ibinyabuzima muri Kaminuza ya Oxford mu Bwongereza yagize ati: “ Birashishikaje kubona ukuntu AstraZenica izamura ubudahangarwa mu mubiri w’umuntu ntahungabanywe na Omicron! Ni inkuru nziza ifasha abantu kwizera ko guhabwa urukingo rwa gatatu ntacyo bibatwara, bigakorwa mu rwego rwo kurinda abantu Omicron.”

Undi muhanga witwa Sir Mene Pangalos uyobora ikigo gicuruza imiti kitwa , BioPharmaceuticals R&D avuga ko urukingo AstraZeneca rwagize uruhare rufatika mu gutuma ku abantu bakingirwa kandi ngo imibare yerekana ko imibiri yabo ifite ubushobozi bwo gukomeza kwihagararaho niyo yaba ihuye na Omicron.

Ku rundi ruhande, uyu muhanga avuga ko hakiri akazi kenshi ko kumenya imiterere nyayo n’imikorere idahindagurika ya Omicron.

Ubundi kugira ngo umubiri ubone ubwirinzi, bisaba ko urukingo ruwuha uburyo bwo kurema abasirikare bita T-cells.

Aba bafasha umubiri kwigizayo imbaraga virusi iba izanye kuko iyo ije ibasanga, isanga barayiteguye hakiri kare, bayimenyereye ntibace intege,

Abayobozi b’ikigo AstraZeneca bavuga ko bari gukusanya imibare mu bitaro byo hirya no hino muri Afurika yo munsi y’Ubutayu bwa Sahara kugira ngo barebe uko imibiri y’abatewe ruriya rukingo yirwitwayeho muri rusange.

Tanga igitekerezo

Tanga igitekerezo

Your email address will not be published. Required fields are marked *

Advertisement

English Version

Advertisement
WeCreativez WhatsApp Support
Mutwandikire turabasubiza
Twandikire