Menu
Indimi
Advert

Mu Rwanda

CP Kabera Yakingiwe COVID, Ati: ‘Kurikiza Amabwiza Yose Yo Kuyirinda’

Yanditswe kuwa

Umuvugizi wa Polisi y’u Rwanda Commissioner of Police( CP) John Bosco Kabera nawe yaraye akingiwe icyorezo cya COVID-19. Ubutumwa yatanze kuri Twitter buributsa Abanyarwanda bose ko ntaho yagiye, ko bagomba gukomeza amabwiriza yose yo kuyirinda.

Umwaka wa 2020 warangiye Commissioner of Police John Bosco Kabera abaye icyamamare ubwo yavugira kuri radio Rwanda ko ‘Gahunda ikiri ya yindi’.

Ku wa Mbere ni Guma mu Rugo, Ku wa Kabiri Guma Mu Rugo, Ku wa Gatatu Guma mu Rugo, Ku wa Kane Guma mu Rugo, Ku wa Gatanu Guma mu Rugo, Ku wa Gatandatu Guma mu Rugo no Ku Cyumweru Guma’.

Ikindi ni uko abantu bamubonye kenshi yagiye kwirebera ubwe uko ingamba zafashwe n’inama y’Abaminisitiri zubahirizwa ahantu hatandukanye.

Umuvugizi wa Polisi y’u Rwanda Commissioner of Police(CP) John Bosco Kabera ubwo yari amaze gukingirwa nabwo yatanze ubutumwa bugira buti: “ Hari icyo nibutsa abantu: Mukurikize amabwiriza yose yo kwirinda COVID-19. Mukomeze kwambara agapfukamunwa, muhane intera ya metero, mukarabe intoki kenshi kandi mukurikize amasaha yo kuba muri mu ngo zanyu.”

Ubutumwa bwa CP Kabera buhuriranye n’uko Inama y’Abaminisitiri yaraye iteranye yemeje ko uturere twa Bugesera, Nyanza na Gisagara tuguma mu kato, abandi Banyarwanda bakaba bari mu ngo zabo saa tatu z’ijoro kugeza saa kumi za mu gitondo.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement