Gasabo: Muri Kigali Economic Zone Haravugwa Inkongi

Amakuru Taarifa ifite aravuga ko mu cyanya cy’inganda kitwa Kigali Special Economic Zone hadutse inkongi mu masaha ya saa kumi n’imwe za mu gitondo kuri uyu wa Mbere taliki 05, Kanama, 2024.

Umwe mu baturage wo muri Kabeza yabwiye Taarifa ko ahagana saa kumi n’ebyiri n’iminota mirongo itanu yahuye na kizimyamwoto isa n’iva ku kibuga cy’indege cya Kanombe itabaye, ikata igana mu nzira z’aho iyo nkongi ivugwa.

Kigali Special Economic Zone iba mu Murenge wa Ndera mu Karere ka Gasabo.

Polisi yatubwiye ko amakuru arambuye kuri iyi ngingo agikusanywa turi buyamenye mu gihe gito kiri imbere…