Abayobozi bakuru mu ngabo za Uganda n’iza Repubulika ya Demukarasi ya Congo kuri uyu wa Kane taliki 07, Ugushyingo batangiye kuganira uko imikoranire mu kurandura ADF yakongerwamo imbaraga.

Ibyo biganiro bije nyuma yo guhura kw’abagaba bakuru b’ingabo z’ibihugu byombi byabaye mu Cyumweru gishize.

Icyo gihe General Muhoozi na Gen Tshiwewe baganiriye uko Uganda yakongera ingabo zayo muri DRC ikarushaho gukorana n’ingabo z’iki gihugu mu kwigezayo abarwanyi ba ADF.

Kubirukana bizajyanirana no kubaka imihanda izafasha mu buhahirane hagati y’ibi bihugu.

Inama hagati y’abayobozi b’ingabo bavuzwe haruguru yatangiye kuri uyu wa Kane taliki 07, Ugushyingo, 2024 ibera mu Mujyi wa Beni mu Ntara ya Kivu y’Amajyaruguru.

Bazaganira kandi kureba uko ibikorwa bya gisirikare muri kiriya gice byakomereza no muri Lubero, muri Ituri n’ahandi.

Kuri uyu wa Gatanu nibwo hari butangazwe ibyo impande zombi zemeranyije.