Police Volleyball Club yatsinze APR VC mu mikino ibiri (uw’abagabo n’uw’abagore) yabaye kuri uyu wa Gatandatu taliki 26, Ukwakira, 2024.
Kubera ko amakipe yombi yari amaze iminsi ashaka abakinnyi babishoboye, abafana bayo bari bategereje kureba iri butsinde indi.
Umukino wabanjirije undi ni uwahuje APR Women Volleyball Club-isanganywe igikombe cya shampiyona- na Police WVC nayo iherutse gutwara igikombe cyo kwibohora kitwa Liberation Cup.
APR WVC yatsinzwe yari iherutse kuvana umukinnyi mu ikipe yayitsinze ari yo Police VC, hakaba n’undi witwa Gaolesetse Lizzy wavuye muri Rwanda Revenue Authority.
Police VC nayo yari yashyizemo Ayepoe Sandra wo muri Ghana.
Ari mu bo ifite beza kurusha abandi.
APR WVC niyo yatsinze iseti ya mbere ku manota 25 kuri 18 y’iyo bakinaga, iseti ya kabiri yaje kwegukanwa na Police WVC ku manota 25 kuri 22 ya APR WVC.
Iya gatatu yatsinzwe na APR WVC ku manota 30 kuri 28 maze Police WVC yegukana iseti ya kane ku manota 25 kuri 20 ya APR WVC.
Iseti ya kamarampaka yatsinzwe na Police VC itsinze APR WVC ku manota 15 kuri 11 ihita yegukana intsinzi.
Mu mukino wakurikiyeho wahuje amakipe y’abagabo, Police Volleyball Club nayo yatsinze ikipe ya APR VC amaseti 3-0 (25-21, 25-17, 25-22).
Imikino ya shampiyona irakomeza kuri uyu wa gatandatu mu masaha yo hejuru.
