Menu
Indimi
Advert

Mu Rwanda

Imfungwa n’Abagororwa Basaga 2300 Barimo Rusesabagina Bakingiwe COVID-19

Yanditswe kuwa

Minisiteri y’Ubuzima yatangiye igikorwa cyo gukingira icyorezo cya COVID-19 muri Gereza ya Nyarugenge, haherewe ku bafite ibyago byinshi byo kuzahazwa n’iki cyorezo kurusha abandi.

Ku ikubitiro muri gereza hakingirwaga abarengeje imyaka 60 n’abafite indwara zidakira. Mu bakingiwe hagaragayemo Paul Rusesabagina w’imyaka 66 ukurikiranyweho ibyaha by’iterabwoba.

Minisiteri y’Ubuzima yatangaje binyuze ku mbuga nkoranyambaga iti “Mu bakingiwe uyu munsi harimo imfungwa n’abagororwa basaga 2300 bo muri Gereza ya Nyarugenge (ni hafi ¼ cy’abayifungiwemo) hashingiwe ku myaka n’ibindi bibazo by’ubuzima.”

Yakomeje ivuga ko iki gikorwa kigomba gukomereza no muri gereza zose hitya no hino mu Rwanda.

Gukingira COVID-19 muri rusange byatangiye ku wa Gatanu w’icyumweru gishize nyuma y’uko u Rwanda rwari rumaze kwakira inkingo zisaga 240.000 zo mu bwoko bwa AstraZeneca/Oxford n’izindi 102.960 za Pfizer/BioNTech, zaje kwiyongeraho inkingo 50.000 rwahawe n’u Buhinde.

Mu bakingiwe kandi harimo abakora umwuga wo gutwara abagenzi kuri moto, batangiye gukingirwa mu gikorwa kibera i Gikondo ahakunze kubera imurikagurisha.

Leta ifite intego yo gukingira abaturarwanda 30% mbere y’uko uyu mwaka urangira na 60% mbere y’uko umwaka wa 2022 urangira.

Intego ni ugukingira miliyoni 7.8 kugeza mu mpera z’umwaka wa 2022.

Abakingiwe batoranyijwe mu bafite ibyago byo kuzahazwa n’iki cyorezo
Abageze mu za bukuru bari mu bitaweho
Harebwe cyane ku bakuze n’abafite indwara zidakira
Igitekerezo 1

1 Comment

  1. Boy

    10 March 2021 at 8:23 am

    Mbega byiza u RWANDA rwakingiye umuburigi 😅😅😅

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement