Ubuyobozi bwa EAC bwatangaje ko nta ndororerezi y’Umuryango w’Afurika y’Uburasirazuba yemerewe kujya kugenzura amatora y’Umukuru w’igihugu azabamuri DRC kuri uyu wa Gatatu taliki 20, Ukuboza, 2023.

Impamvu ni uko nta rwego rwo muri DRC rwigeze rwemeza ubusabe bw’uko izo ndorerezi  zemerewe kujyayo none bigeze ku munsi ubanziriza amatora nyirizina.

Byari bisanzwe byemewe ko indorererezi z’uyu muryango zijya kureba uko amatora abera muri kimwe mu bihugu biwugize agenda ariko bigakorwa ku cyemezo cy’icyo gihugu.

N’ubwo ari uko bimeze, Ubunyamabanga bukuru bwa EAC bwifurije abaturage ba DRC kuzagira amatora aciye mu mujyo kandi  ibizakurikira amatora bizarangwe n’amahoro n’ubwumvikane.

Hashize igihe ubuyobozi bwa DRC buvuga ko hari ubushake bw’uko yazivana muri EAC.

Icyakora ibi ntibirashoboka kugeza ubu.