Umugaba mukuru w’ingabo z’u Rwanda General Mubarakh Muganga yaraye ashimiye abasirikare bashya barwanira ku butaka barangije amasomo mu kigo cya gisirikare cya Gabiro mu Karere ka Gatsibo.
Umuyobozi w’iki kigo Major General Rutaha nawe yari ahari ndetse na Major General Gumisiriza Wilson ushinzwe ishami rirwanisha ibifaru yari ahari.
Abo basirikare bari bamaze amezi atandatu bahabwa amasomo ahambaye mu kurwanira ku butaka arimo kurasa udahusha( marksmanship), amayeri yo gutega umwanzi igico, kuyobora no kugenzurira ingabo ku rugamba, kurwanisha amaboko no kwitabaza icyo ufite, imyitozo ngororamubiri no kumanukira mu mitaka baje gufasha abarwanira ku butaka.
Ibi babyita heliborne operations.
Muri uwo muhango, abo basirikare biyeretse abagaba babo bakuru kugira ngo babone ko iyo bize bitabaye amasigarakicaro.
