Mu gitondo cyo kuri uyu wa Gatandatu taliki 30, Mata, 2022 abanyamuryango b’Umuryango FPR –Inkotanyi bahagarariye abandi bari mu Nteko yaguye y’uyu muryango.
Ni inteko iri bube iyobowe na Perezida wa Repubulika y’u Rwanda, Paul Kagame.
Ese abayitabiriye baraganira ku biki?
Mu gihe bisa n’aho icyorezo COVID-19 cyacitse intege mu buryo bugaragara, abanyamuryango ba FPR Inkotanyi ntibabura kuganira ku ngingo zirimo uko bakomeza gukorana kugira ngo amajyambere u Rwana rurimo muri iki gihe azakomeze.
Imibare itangazwa na Banki nkuru y’u Rwanda na Minisiteri y’imari n’igenamigambi yerekana ko ubukungu bw’u Rwanda buri kuzanzamuka.
N’ubwo ibintu bitarasubira ku murongo nk’uko byahoze, iriya mibare yerekana ko ibintu biri mu murongo mwiza.
Abagize Umuryango FPR –Inkotanyi ntibabura kuza kungurana ibitekerezo uko uyu murongo wakomeza kugenda neza kandi ku nyungu z’abatuye u Rwanda.
📸AMAFOTO📸
Muri Kigali Arena hagiye kubera Kongere y'Umuryango @rpfinkotanyi yitabiriwe n'abanyamuryango ndetse n'abashyitsi baturutse mu yindi mitwe ya politiki.
Irasuzumirwamo aho gahunda za RPF zigamije guteza imbere imibereho myiza n'iterambere zigeze.#RBAAmakuru pic.twitter.com/j7bCt0jiyl
— RADIO RWANDA (@Radiorwanda_RBA) April 30, 2022
Nk’uko bisanzwe bigenda kandi, abagize Umuryango FPR Inkotanyi ntibabura kuza kwinegura kubyo babona bitagenze neza, bigakorwa hagamijwe kurushaho kunoza ibikorwa.
Mu masaha y’iki gitondo nibwo abanyamuryango baturutse mu bice bitandukanye by’u Rwanda batangiye kugera kuri Kigali Arena aho iri bubere.
Ikindi ni yuko hari n’abandi bayobora amashyaka atandukanye afatanya na FPR Inkotanyi batumiwe muri iyi Nteko.
Taarifa irakomeza gukurikirana ibibera muri iyi Nteko ikabigeza ku basomyi…
