Umunyamabanga mukuru w’Umuryango w’ibihugu bikoresha Igifaransa Louise Mushikiwabo ari mu Rwanda mu ruzinduko ku ikubitiro yahuriyemo na Dr Vincent Biruta uyobora Minisiteri y’ububanyi n’amahanga Mushikiwabo nawe yayoboye ndetse igihe kinini.
Louise Mushikiwabo yayoboye Minisiteri y’ububanyi n’amahanga guhera mu mwaka wa 2009 kugeza mu mwaka wa 2018, ubwo yasimburwaga na Dr Richard Sezibera nawe waje gusimburwa na Dr Vincent Biruta.
Yabaye kandi n’Umuvugizi wa Guverinoma y’u Rwanda.
Louise Mushikiwabo yigeze no kuba Minisitiri ushinzwe itangazamakuru.
Le ministre @Vbiruta a reçu Mme @LMushikiwabo, Secrétaire générale de l’@OIFrancophonie, dans le cadre de sa visite officielle au Rwanda. Ils ont échangé sur divers sujets d'intérêt commun. pic.twitter.com/xqwCh2J8Q0
— Ministry of Foreign Affairs & Int'l Cooperation (@RwandaMFA) May 17, 2022
Ku rubuga rwa Twitter rwa Minisiteri y’ububanyi n’amahanga y’u Rwanda handitse ko Mushikiwabo yaganiriye na Biruta ku ngingo zirimo uko u Rwanda rwakomeza gukorana bya hafi n’Umuryango ayoboye.
Ibiro bya Louise Mushikiwabo biba i Paris mu Bufaransa.
