Major General Albert Murasira usanzwe ari Minisitiri w’ingabo z’u Rwanda ari mu Burundi mu ruzinduko yoherejwemo na Perezida Paul Kagame ngo amuhere Perezida w’u Burundi ubutumwa.
Ku rukuta rwa Twitter rwa Perezidansi y’u Burundi handitseho ko Minisitiri Murasira ayoboye itsinda ry’abandi bayobozi ariko ntibavuga abo ari bo.
Minisitiri Gen Murasira agiye i Burundi hashize iminsi micye u Rwanda rufunguye umupaka warwo n’u Burundi ariko u Burundi bwo ntabwafungura uwabwo.
#Burundi Le Président de la République SE Evariste #Ndayishimiye vient de recevoir en audience une délégation rwandaise de haut niveau conduite par Gen. Maj. Albert Murasira, Ministre de la Défense du #Rwanda, qui était porteur d’un Message de son Homologue SE @PaulKagame. pic.twitter.com/SmbzohzqVy
— Ntare Rushatsi House (@NtareHouse) March 15, 2022
Minisitiri w’ububanyi n’amahanga w’u Burundi Amb Albert Shingiro yabwiye Ijwi ry’Amerika ko u Burundi butafungura umupaka kuko u Rwanda rwafunguye uwabwo, ahubwo ngo hari ibiganiro hagati y’ibihugu byombi kugira ngo abantu u Burundi buvuga u Rwanda rucumbikiye kandi bashakishwa i Burundi bahabwe u Burundi cyangwa bajye ahandi.
Hagati aho Perezida Paul Kagame nawe aherutse kwakira yaki Minisitiri ushinzwe Umuryango wa Afurika y’Iburasirazuba, Urubyiruko, Umuco na Siporo mu Burundi, Ezéchiel Nibigira, wamugejejeho ubutumwa bwa Perezida Evariste Ndayishimiye.
