Abaganga bo mu Bushinwa batanze impuruza y’uko muri kiriya gihugu hadutse virusi bise LayV ( Langya Henipavirus) bavuga ho ko yica ¾ by’abantu yafashe. Abantu barenga 30 nibo bamaze kuyandura ariko hari impungenge ko abanduye bashobora kuza kwanduza abandi.
Icyakora abantu bayanduye ntawe irahitana kugeza ubu.
Mu bimenyetso byayo harimo n’ibicurane.
Abahanga bavuga ko isanzwe igaragara mu mbeba bityo ko zishobora kuba ari zo zayanduje abantu.
Kugeza ubu abahanga bari gusuzuma niba abantu badashobora kwanduzanya iriya virusi.
Ibyo bagezeho mu bushakashatsi bwabo kuri iyi virusi babitangaje mu kinyamakuru kitwa New England Journal of Medicine.
Igaragara bwa mbere yagaragaye mu mbeba.
Hari muri Mutarama, 2019.
Bidatinze hagaragaye ubundi bwandu 14 mu Ntara ya Shandong.
Ikindi kimenyetso cyayo ni uguhinda umuriro, gucika intege, kubihirwa mu kanwa, kubabara imikaya no kugira iseseme.
Uretse imbeba, iriya virusi iboneka no mu ihene.
Ikibabaje ni uko iyi virusi yica cyane. Iyo igeze mu bantu yica ¾ by’abo yazahaje.
Si kimwe na COVID-19 yandura cyane ariko ntiyice benshi nk’uko bimeze kuri iyi virusi yindi.
Kugeza ubu nta rukingo rw’iyi virusi rurakorwa ngo rutangazwe ku mugaragaro, ariko hari ubwoko butatu buri kugeragerezwa ku nyamaswa.
