Nel Ngabo usanzwe ukorera umuziki muri Kina Music avuga ko azashirwa ari uko akoze igitaramo nk’icyo mukuru we mu muziki King James aherutse gukora kigahuruza imbaga.
Avuga ko amaze igihe atekereza uko yazakora igitaramo cye wenyine, gusa avuga ko ari igikorwa cyo kwitondera kikazaza ari imbaturamugabo.
Nel Ngabo avuga ko kizagera ku rwego rw’ibyo umuhanzi King James yakoze, ubwo yandikaga amateka yo kuzuza BK Arena mu bitaramo bibiri byabaye ku wa 1 no ku wa 2 Kanama(8) 2026.
Muri iki gihe uyu muhanzi ari muri Repubulika ya Tchèque, akaba aherutse kubivuga ubwo yari agiye kurira indege ngo yitabire iserukiramuco ryitwa AfrOstrava 2026 rizabera mu Mujyi wa Ostrava guhera kuri uyu wa 14 n’uwa 15 Kanama(8) 2026.
AfrOstrava 2026 ni iserukiramuco rihuza abakora umuziki, umuco n’imbyino byo muri Afurika n’ibindi bice by’Isi, rikaba ari rimwe mu mahirwe Nel Ngabo ari kubona ngo yereke isi aho agejeje akora.
Ngabo amaze gusohora alubumu eshatu zikaba zihagije kugira ngo abone aho ahera asusurutsa abamufana.
Ku byerekeye kwigana King James yagize ati: “Mba mbirimo cyane. Mba nshaka gutegura ibintu ku buryo nzaha abantu ikintu gishyitse. Ndashaka kugera ikirenge mu cya mukuru wanjye King James.”
Kuya 1 no ku wa 2 Kanama(8) 2026, King James yakoze ibitaramo bibiri byikurikiranya muri BK Arena, byombi bikorwa mu buryo bwagutse kandi neza.
Ubwo yabirangizaga, yabwiye itangazamakuru ko ashimira abaje kumureba na Nyina kuko yamubaye hafi mu buzima bwe bwose.
Incamake kuri Nel Ngabo
Se na Nyina bamwise Rwangabo Byusa Nelson, we ahitamo gukoresha izina ry’ubuhanzi Nel Ngabo mu muziki w’injyana ya R&B, Afro-pop na Hip-hop.
Yatangiye kumenyekana mu mwaka wa 2029 ubwo yasohoraga indirimbo yise “Why” ariko “Nzahinduka” imufasha cyane kumenyekana.
Umuziki awukorera mu nzu itunganya imiziki yitwa Kina Music iyoborwa n’umugabo wa Butera Knowless witwa Ishimwe Clément.
Kugeza ubu afite alubumu eshatu ari zo Ingabo, RNB 360 na Life Love & Light ndetse mu mwaka wa 2025 yakoranye indi alubumu na Platini P.
Indirimbo ze zizwi cyane ni Nzahinduka, Byakoroha, Ntibikabe yakoranye na Knowless, Ya Motema na Platini P, Kigali, Nywe, Sawa, Solo na Molomita yakoranye na Kenny Sol.
Afite urubuga rwa murandasi rucaho ibikorwa n’ibihangano bye bishya yise Nel Ngabo Official Website.
