Mu Karere ka Nyagatare haravugwa indwara inzego z’ubuzima zitaratangaza iyo ari yo yatumye abanyeshuri 150 bajyanwa mu bitaro bya Nyagatare no mu bigo nderabuzima biri muri aka Karere.
Radio/TV 10 ivuga ko muri abo banyeshuri harimo abagera kuri 18 barembye.
Taarifa yahamagaye umuyobozi w’Akarere ka Nyagatare wungirije ushinzwe imibereho myiza y’abaturage Juliet Murekatere ngo agire icyo abitubwiraho ahita atubwira nomero ya Meya ngo abe ari we ubisubiza.
Ubwo twayihamagaraga Meya Stephen Gasana nawe ntiyitabye.
Icyakora amakuru yandi dufite aravuga ko inzego zagiye gukurikirana ngo zimenye iby’iki kibazo.
Ni inkuru tugikurikirana ngo tumenye inzego z’ubuzima zibivugaho.
