Umugaba Mukuru w’Ingabo z’u Rwanda General Jean Bosco Kazura yakiriye mu Biro bye mugenzi we uyobora ingabo za Mali zitwa General Oumar Diarra.
We n’itsinda ayoboye bari mu Rwanda mu uruzinduko rw’akazi rw’iminsi itatu.
Gen Kazura abakira yari ari kumwe na Minisitiri w’ingabo Major General Albert Murasira
📸AMAFOTO📸
Umugaba Mukuru w'Ingabo za Mali General Oumar Diarra ari mu uruzinduko rw'akazi rw'iminsi 3 mu Rwanda. Uyu munsi yakiriwe na Minisitiri w'Ingabo General Major Albert Murasira n'Umugaba Mukuru w'Ingabo z'u Rwanda General Jean Bosco Kazura. #RBAAmakuru pic.twitter.com/NLuDwy3NpZ
— RADIO RWANDA (@Radiorwanda_RBA) May 10, 2022
Amakuru dufite avuga ko nyuma yo kwakirirwa muri Minisiteri y’ingabo Gen Diarra arasura urwibutso rwa Jenoside yakorewe Abatutsi ruri ku Gisozi mu Karere ka Gasabo.
Abasirikare ba Mali bageze mu Rwanda bahasanga abandi 42 bo muri Nigeria baje kuganira na bagenzi babo bo mu Rwanda uko buri ruhande rwakwigira ku rundi ku byo rucyeneyemo ubumenyi bwisumbuye.
