Itangazo ryasohowe na RDB rivuga ko amasezerano iki kigo cyari gifitanye n’ikigo EasyGroup EXP y’uko u Rwanda ruzakira umukino w’igikombe cy’isi mu mupira w’amaguru ku bagacishijeho, yasheshwe.
Uwo mukino ntikibaye nk’uko itangazo RDB yacishije kuri X ribyemeza.
Ni umukino w’igikombe cy’isi mu bagacishijeho muri ruhago ku rwego rw’isi witwa Veteran Clubs World Championship (VCWC 2024).
Iri tangazo rivuga ko iki ari icyemezo impande zombi zaganiriyeho zibyameranyaho.
Rivuga ko nibyo kwamamaza Visit Rwanda byari buzajyanirane n’uriya mukino bitakibaye.
Nta mpamvu iratangazwa y’iri hagarikwa ry’aya masezerano.
Uyu mukino wari uteganyijwe kuzaba muri Nzeri, 2024.
