Kuri uyu wa Mbere, Mukura VS yatangaje ko yatandukanye n’umutoza wa Tomas Trucha wari ukigera i Huye.
Kuri X/Twitter, Mukura yatangaje ko uwo mutoza bemeranyije ko yigendera amahoro akabasubiza amafaranga yose bamuhaye na tike y’indege, ubundi akigendera.
Haranditse hati: “Twemeranyije nawe ko yigira ahandi, kubera amahirwe yahabonye…”
Ngo ni amahirwe nyirubwite atashoboraga kureka bityo Mukura VS isaba abayifana kubyakira uko ntihagire ubifata nko gutenguhwa ku munota wa nyuma.
Mukura VS yanditse ko uyu mugabo w’imyaka 54 y’amavuko yubahirije ibyari mu masezerano igihe impande zombi zitatandukanaga.
Tomas Trucha yari kuzatoza Mukura VS mu myaka ibiri akaba yagiye gutoza ikipe yo mu birwa bya Maldives.
Maldives ni igihugu kigizwe n’ibirwa byinshi (archipelago) giherereye mu Nyanja y’u Buhinde mu Majyepfo y’Uburengerazuba bw’u Buhinde na Sri Lanka.
