Mu imurikabikorwa mu by’ubuhinzi n’ubworozi riri kubera ku Murindi wa Kigali mu Karere ka Gasabo hamurikiwe ikoranabuhanga rikoresha ubwenge buhangano muri camera zikamenya niba inka yarinze mbere yo kuyitera intanga.
Ikoranabuhanga mu bworozi by’umwihariko no mu buhinzi muri rusange niryo Leta ishaka gushyira imbere ngo umusaruro ubiturukaho wiyongere.
Imurikabikorwa riri kubera i Kigali ni iryo ku nshuro ya 19, rikaba ryamurikiwemo izo mashini zifite cameras zitera amatungo intanga zikanamenya niba itungo ryarinze.
Kumenya ko itungo ryarinze bizagabanya umubare w’amatungo yaterwaga intanga ntafate.
Abakoze iryo koranabuhanga banarishyizemo uburyo bwo kumenya ko iryo tungo rifite uburwayi runaka.
Insanganyamatsiko y’iri murikabikorwa ni “Twihutishe ivugurura ry’Ubuhinzi n’Ubworozi binyuze mu guhanga ibishya n’ubufatanye”.
Abafite ibyo barimo kumurika bararenga 600.
Umwaka ushize(2025) abasuye ibikorwa bitandukanye muri Agrishow ni 61,781 mu gihe indi myaka babaga basaga 40,000.
Iryo kuri iyi nshuro ryatangiye kuri uyu wa Kane italiki 22 rikazarangira kuya 31, Nyakanga, 2026.
Minisitiri w’ubuhinzi n’ubworozi Dr Télesphore Ndabamenye niwe warifunguye.
Muri gahunda ya Leta harimo no gukoresha ubwenge buhangano mu buhinzi mu rwego rwo kumenyesha abahinzi udushya mu buhinzi no mu bworozi.
Harimo no kubaha amakuru ku ifumbire, imbuto z’indobanure, iteganyagihe n’ubuhinzi bwita ku bidukikije kandi burondereza ubutaka.
