Irushanwa ry’amagare rya Tour du Rwanda ryakomeje kuri uyu wa Kabiri ryerekeza mu Karere ka Huye, nyuma y’agace ka mbere kabaye kuri iki Cyumweru kagasorezwa i Rwamagana.
Abakinnyi bari mu irushanwa uko ari 75 bahagurukiye mu Mujyi wa Kigali ku nyubako ya MIC saa tatu za mu gitondo, berekeza i Huye mu ntera y’ibilometero 120,5.
Biteganyijwe ko basesekara mu Mujyi wa Huye hagati ya saa 12:07 na saa 12:16.
Umwenda w’umuhondo ufitwe n’Umunya-Colombia Brayan Sanchez. Umunyarwanda waje hafi ni Hakizimana Seth wabaye uwa 14, na we wakoresheje 2h33’43’’, ariko bakagenda barushanwa ibinyacumi bike cyane by’ibihe.
