Taarifa
  • Ahabanza
  • Mu Rwanda
  • Mu mahanga
  • Ubukungu
  • Politiki
  • Imikino
  • Imyidagaduro
Reading: Ibihugu Perezida Kagame Yatunze Agatoki Ku Nyito Ya Jenoside Byongeye Kwigaragaza
Font ResizerAa
TaarifaTaarifa
  • English VesrsionEnglish VesrsionEnglish Vesrsion
Search
  • Ahabanza
  • Mu Rwanda
  • Mu mahanga
  • Ubukungu
  • Politiki
  • Imikino
  • Imyidagaduro
Have an existing account? Sign In
Follow US
© 2022 Foxiz News Network. Ruby Design Company. All Rights Reserved.
Kwibuka27

Ibihugu Perezida Kagame Yatunze Agatoki Ku Nyito Ya Jenoside Byongeye Kwigaragaza

admin
Last updated: 08 April 2021 12:22 pm
admin
Share
SHARE

Mu muhango wo gutangiza ibikorwa byo Kwibuka ku nshuro ya 27 Jenoside yakorewe Abatutsi mu 1994, kuri uyu wa Gatatu, Perezida Paul Kagame yakomoje ku bihugu bibiri bicyinangira gukoresha inyito ya “Jenoside Yakorewe Abatutsi.”

Ni ibihugu usanga bitanakoresha ‘Jenoside yo mu Rwanda’ nk’uko byinshi byahoze bibikora, ahubwo bikivugira amahano, ubwicanyi cyangwa ibikorwa biteye ubwoba, batagaragaza ko ari ubwicanyi bwibasiye igice kimwe cy’abaturage.

N’ubwo Perezida Kagame atavuze amazina y’ibyo bihugu, kuva mu myaka ishize byakunze kwigaragaza ko ari Leta Zunze Ubumwe za Amerika n’u Bwongereza. Hari n’ibindi ariko.

Muri 2004, Umuryango w’Abibumbye washyizeho tariki ya 7 Mata nk’umunsi uhoraho wo kuzirikina kuri Jenoside yakoreweAbatutsi, wongera kubishimangira muri Mata 2020 wemeza ko inyito igomba gukoreshwa ari Jenoside yakorewe Abatutsi.

Muri 2014, Inama y’Umuryango w’Abibumbye Ishinzwe Amahoro ku Isi yari yashimangiye icyemezo cy’Urukiko mpuzamahanga, rwemeje ko Jenoside yakorewe Abatutsi ari ihame ridashobora kugibwaho impaka.

Nubwo hagendaga hafatwa ibyemezo nk’ibyo, mu mwaka ushize Kelly Craft wari Ambasaderi wa Amerika mu Muryango w’Abibumbye, yavuze ko Amerika itewe impungenge n’impinduka zakozwe ku bijyanye na Jenoside guhera mu 2018, kuko hibandwa gusa kuri Jenoside yakorewe Abatutsi mu Rwanda.

Ku bwe, ngo iyo nyito ntabwo igaragaza byuzuye ubukana bw’ubwicanyi bwakozwe mu Rwanda, kuko hari Abahutu benshi n’abandi bantu bishwe muri Jenoside, barimo n’abazize ko batari bashyigikiye ubwicanyi bwakorwaga.

Jonathan Allen wo mu biro by’uhagarariye u Bwongereza mu Muryango w’Abibumbye, we yavuze ko icyo gihugu gishyigikiye byimazeyo kwibuka abazize ‘Jenoside yo mu Rwanda’ kandi ko ari ingenzi ko hibukwa abayizize bose, bityo ko batemeranya n’imvugo ya “Jenoside yakorewe Abatutsi mu 1994”.

Ibyo bihugu byongeye kwigaragaza

Mu gihe Abanyarwanda batangiraga ibihe byo kwibuka ku nshuro ya 27 Jenoside yakorewe Abatutsi, Ambasaderi wa Leta Zunze Ubumwe za Amerika mu Muryango w’Abibumbye, Linda Thomas-Greenfield, yahoSOye itangazo ry’amagambo 105 ariko nta jambo ‘Jenoside’ cyangwa ‘Abatutsi’ wabonamo.

Ati “Kuri uyu munsi ngarukamwana ubabaje, turazirikana abasaga 800.000 bishwe mu minsi 100 y’iterabwoba mu Rwanda mu 1994. Uyu munsi turi mu gahinda kubera ubuzima bw’inzirakarengane kandi twifatanyije n’imiryango izahora ibazirikana hamwe n’abarokotse, bahorana umutwaro nk’abahuye n’ibyo bibazo n’abahamya ba kimwe mu bihe bibi cyane mu mateka y’ikiremwamuntu.”

“Dufashe uyu mwanya ngo twibuke ubumuntu dusange no kongera kwiyemeza kurinda abari mu kaga, guharanira ko ababigizemo uruhare babiryozwa no kubaha agaciro k’ikiremwa muntu. Twongere dushimangire ko ubwicanyi ndengakamere nk’ubu butazongera ukundi.”

Ayo magambo ahura n’ayo yatangaje binyuze kuri Twitter.

On this somber anniversary, we reflect on the more than 800,000 people murdered during 100 days of terror in Rwanda in 1994. Let us renew our commitment to ensuring mass atrocities like this never occur again.

— Ambassador Linda Thomas-Greenfield (@USAmbUN) April 7, 2021

Urebye ku Bwongereza, guhera kuri Minisitiri w’Intebe Boris Johnson, urubuga rwa Ambasade y’u Bwongereza mu Rwanda n’imbuga nkoranyambaga zayo (UK in Rwanda), iza Ambasaderi Jo Lomas (@JoLomasFCDO), bahisemo guceceka.

Gusa Ambasaderi wungirije w’u Bwongereza Ben Snowdon yanditse kuri Twitter, ati “Uyu munsi ni #Kwibuka27 aho twibuka ‘abishwe n’amahano’ yabaye mu 1994. Uyu munsi nifatanyije n’inshuti zo mu Rwanda na bagenzi banjye. Ntibizongere kubaho.”

Na we nta hantu na hamwe yakoresheje ijambo “Jenoside’ cyangwa “Abatutsi” nk’abakorewe Jenoside. Ni ubutumwa bwasangijwe abandi (retweet) na Ambasaderi Lomas, aho kwandika ubwe.

Today is #Kwibuka27 where remember the victims and the atrocities that took place in 1994. Thinking of all my Rwandan friends and colleagues today. #NeverAgain #Rwanda #RwOT

— Ben Snowdon (@BenSnowdonFCDO) April 7, 2021

Bitandukanye na Ambasaderi wa Amerika mu Rwanda, Peter Vrooman, we wanditse kuri Twitter ko bibuka Marc Bizimungu wari umukozi wa Ambasade i Kigali, “yishwe azira ko ari Umututsi muri Jenoside hamwe n’umugore we Devote Mukamana.”

Yahise anahindura ifoto afite kuri Twitter, ashyiraho iyo yicaye mu Rwibutso rwa Jenoside rwa Kigali, ruri ku Gisozi.

Ikibazo cyo kwinangira gukoresha inyito ya Jneoside yakorewe Abatutsi cyagaragaye no mu butumwa bwatanzwe n’u Budage.

Keeping the memory alive: 27 years ago, the genocide in Rwanda began, a crime of unbearable dimensions. Today, we commemorate the more than 800,000 people who were brutally murdered within only 100 days, their family members and friends. pic.twitter.com/cDetta1d5i

— GermanForeignOffice (@GermanyDiplo) April 7, 2021

Mu mwaka ushize Ambasaderi w’u Rwanda mu Muryango w’Abibumbye Rugwabiza Valentine yavuze ko bene iyo myifatire iha urwaho abahakana n’abapfobya Jenoside.

Ati “Kuba u Bwongereza butemeranya no kuvuga Jenoside yakorewe Abatutsi mu 1994, ni ukwirengagiza ibyo urukiko rwemeje. Aho gushyigikira ubwiyunge, ibisobanuro by’aho Amerika n’u Bwongereza bahagaze birazana urujijo rutiza umurindi ihakana rya Jenoside rikomeje kwiyongera mu Karere k’Ibiyaga Bigari n’ahandi.”

Ubutumwa nk’ubu ntabwo bukenewe

Minisitiri w’Ububanyi n’amahanga w’u Rwanda Dr Vincent Biruta yanditse kuri Twitter kuri uyu wa Gatatu, ashimira ibihugu by’abafatanyabikorwa n’inshuti bikomeje koherereza u Rwanda ubutumwa bwo kwifatanya muri ibi bihe byo Kwibuka.

Ati “Naho abakomeje kugorwa no gukoresha inyito ikwiye ya Jenoside Yakorewe Abatutsi, icyiza ni uko mutatwoherereza ubutumwa uyu munsi. Turakomeza tumere neza nk’uko dusanzwe!”

And to those who are struggling to properly name the Genocide against the Tutsi, it is better not to send us any message today. We will be okay, as we always have been! #Kwibuka27
2/2 https://t.co/E1vXvFvBHF

— Vincent Biruta (@Vbiruta) April 7, 2021

Perezida Kagame kuri uyu wa Gatatu yavuze ko nubwo hafashwe ibyemezo ku rwego rw’Umuryango w’Abibumbye, hari ibihugu byakomeje gutsimbarara bidashaka kwemera ko ari Jenoside yakorewe Abatutsi.

Ati “Bimeze nk’aho kwemera iyo nyito ikwiye ari impano yaba ihawe Abanyarwanda kuko bitwaye neza. Ku bwabo, witwara mu buryo bashaka ko witwara, bakazaguha impano yo kwemera ikintu uko gikwiye kuba kiri. Biteye isoni.”

U Bwongereza bukomeje iyo myitwarire mu gihe bucumbikiye abantu batanu bakekwaho uruhare muri Jenoside, u Rwanda rwasabye ko bakoherezwa rukababuranisha cyangwa bakaburanishwa n’u Bwongereza, ariko bigiye kumara imyaka 15.

Abo ni Dr Vincent Bajinya, Célestin Ugirashebuja, Charles Munyaneza, Emmanuel Nteziryayo na Célestin Mutabaruka.

Umunyamabanga Nshingwabikorwa wa Komisiyo Ishinzwe Kurwanya Jenoside, Dr Bizimana Jean Damascene, yavuze ko ibyemezo byafashwe kuri Jenoside yakorewe Abatutsi ku rwego rw’Umuryango w’Abibumbye byaciye intege abayipfobya.

Gusa ibihugu bitaremera inyito yayo ikwiye nabyo byongera kubatiza umurindi.

Yashimangiye ko amateka ya Jenoside yakorewe Abatutsi azakomeza gusigasirwa, kandi hari ibimenyetso byivugira byerekana ko atazasibangana nk’uko bigaragazwa n’umubare w’abarokotse Jenoside bandika ibitabo by’amateka yabo ugenda wiyongera.

Perezida Kagame yabwiraga abarimo abahagarariye ibihugu byabo mu Rwanda. Ubanza iburyo ni Ambasaderi Vrooman
Iki gikorwa cyabereye muri Kigali Arena
TAGGED:featuredKwibuka 27Paul Kagame
Share This Article
Facebook Twitter Whatsapp Whatsapp Telegram Threads
Previous Article BNR Yunamiye Abahoze Ari Abakozi Bayo Bazize Jenoside
Next Article Jean Paul Samputu Arashaka Gushinga ‘Umutwe Wa Politiki’
Tanga igitekerezo

Leave a Reply Cancel reply

Your email address will not be published. Required fields are marked *

- Advertisement -

Aheruka

Kigali: Abagore Baravugwa Kenshi Mu Biyobyabwenge

UNHCR Yaganirije AFC/M23 Ku Kibazo Cy’Impunzi Ziri Mu Rwanda

Umukino Urangiza Irushanwa ‘Gicanda Invitation 2025’ Urabera Kigali Pele Stadium

U Rwanda Rushaka Kuba Igihugu Gikize Byuzuye-Kagame

Perezida Wa Palestine Yimwe Visa Yo Kuzajya Muri Amerika Mu Nama Ya UN

- Advertisement -
Ad imageAd image
- Advertisement -

Trending News

Kacyiru Hari Gusizwa Ibibanza Bizubakwamo Inzu Ndende ‘Koko’

Kagame Yaganirije Ingabo Azisanze i Gabiro

RDB Yamaze Impungenge Abafite Hoteli Mu Birunga

Uburundi Bwatsembye Ko Butazafungura Vuba Umupaka Wabwo N’u Rwanda

Perezida Wa Mozambique Yatangiye Uruzinduko Mu Rwanda

You Might Also Like

Mu RwandaUbukerarugendoUbukungu

Kinigi: Abaturiye Ahazagurirwa Pariki Bahawe Uburyo Bwo Kwihaza Mu Biribwa

Yandtswe na Umwanditsi wa Taarifa
Mu mahangaUbubanyi n'Amahanga

DRC Ntishaka Ubuhuza Bwa Thabo Mbeki 

Yandtswe na Umwanditsi wa Taarifa
Mu RwandaPolitikiUbubanyi n'Amahanga

Haganiwe Uko UNHCR Yakomeza Imikoranire N’ u Rwanda 

Yandtswe na Umwanditsi wa Taarifa
Mu mahangaUbukungu

Angola Igiye Kujya Itunganya Diyama Yose Icukura

Yandtswe na Umwanditsi wa Taarifa

Taarifa is a Rwandan News Platform telling true stories by delivery quick, in-depth and exclusive news on Social, Political, and Economic issues.

  • +250788316164
  • +25078457033
  • info@taarifa.rw
  • taarifarwanda@gmail.com
Facebook Twitter Youtube Instagram Flickr Tiktok

Mu Rwanda

  • Politiki
  • CHOGM-2022
  • Umutekano
  • Ubukungu

Mu Mahana

  • Mu Mahanga

Mu Mahana

  • Imikino
  • Imyidagaduro

Indimi

English

Francais

© 2015-2023 Copyright Taarifa.rw | All rights reserved.

  • Advertise
  • About Us
  • Contact
  • Privacy Policy
  • Terms & Conditions
Go to mobile version
Welcome Back!

Sign in to your account

Lost your password?