Menu
Indimi
Advert

Politiki

Kagame Yanenze Ibihugu Bibangamira Imikorere Ya COVAX

Yanditswe kuwa

Perezida Paul Kagame yavuze ko ibihugu ‘bimwe’ bikomeje kugaragaza uburyarya mu kugura inkingo za COVID-19. Yavuze ko  ibi bangamiye gahunda yashyizweho yogufasha ibihugu bikennye kubona inkingo z’iki cyorezo, izwi nka Covax.

Ni ubutumwa yanyujije kuri Twitter, ubwo yagarukaga ku magambo Umuyobozi Mukuru w’Ishami ry’Umuryango w’Abibumbye ryita ku buzima, WHO, Dr Tedros Ghebreyesus, yatangaje ku wa Mbere.

Mu gihe ibihugu byinshi byatangiye gukingira COVID-19, hari  impungenge z’uko umubare munini w’inkingo ukomeje kwiharirwa n’ibihugu bikize.

Dr Tedros yatangaje ko hari ibihugu bikomeye bigirana amasezerano n’inganda zikora inkingo za COVID-19, abangamira andi aba yaremejwe binyuze muri COVAX, bikagabanya inkingo zateganyirijwe ingengo y’imari muri gahunda ya COVAX.

Perezida Kagame yanditse ati: “ Ibyo ni uburyarya no kwikunda twakomeje kuvuga. Ni urugero rumwe muri nyinshi kandi rufite ingaruka.”

Dr Tedros yavuze ko n’ubwo amafaranga ahari, kugira ngo ibihugu bikennye bibone inkingo bikeneye, bisaba ko ibikize bigaragaza ubufatanye binyuze mu kubahiriza amasezerano COVAX yagiranye n’inganda zikora inkingo.

Ati: “Ntabwo ari igikorwa cy’ubugiraneza, ni igikorwa kijyanye n’icyorezo. Igihe cyose tutarahagarika iki cyorezo ahantu hose, nta na hamwe kizasiga.”

Yavuze ko n’ubwo amafaranga yaba ahari, ntacyo yaba avuze igihe nta nkingo zo kugura zihari.

Inkingo zirimo gutangwa ziganjemo iza Pfizer/BioNTech, Moderna na AstraZeneca.

Hagati aho hari ibihugu bikomeye  bigaragaza ubushake bwo gutera inkunga COVAX. Birimo ibigize G7 n’umuryango w’Ubumwe bw’u Burayi biheruka kwemera gutanga miliyari $4.3.

Ni amafaranga agamije gutanga umusanzu muri gahunda yo gutangiza mu bihugu byose, gahunda yo gukingira abakozi bo mu nzego z’ubuzima n’abakuze, mu minsi 100 ya mbere y’uyu mwaka.

Dr Tedros aheruka kuvuga ko hagikenewe nibura miliyari $ 23 z’inyongera, kugira ngo iyo gahunda ishoboke.

COVAX ivugwa ni iki?

COVAX ni izina ryahawe ubufatanye mpuzamahanga bugamije gufasha abatuye isi kubona urukingo rw’icyorezo COVID-19.

Ubu bufatanye bwatangiwe muri MATA, 2020, bukaba buyobowe n’Ishami ry’Umuryango w’Abibumbye, Umuryango w’Ubumwe bw’u Burayi n’u Bufaransa.

Buhuriwe na za guverinoma, imiryango mpuzamahanga yita ku buzima, abikorera ku giti cyabo, sosiyete sivili n’abakire b’abagira neza.

Intego ni ugufasha abatuye isi, cyane cyane abafite amikoro make, kwisuzumisha no guhabwa urukingo rw’icyorezo COVID-19.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement