Menu
Indimi
Advert

Mu Rwanda

Nitubona Ubwandu Mu Ntara N’andi Mashuri Ashobora Gufungwa- Minisitiri Dr Uwamariya

Yanditswe kuwa

Nyuma y’uko Minisiteri y’uburezi itangaje ko amashuri y’incuke, abanza n’ayisumbuye yo mu Mujyi wa Kigali, yaba aya Leta n’ayigenga yose afunzwe guhera kuri uyu wa Mbere tariki 18, Mutarama, 2021. Minisitiri w’uburezi Dr Uwamariya yavuze ko hagize n’ahandi ubwandu bwa COVID-19 bwiyongera, amashuri y’aho yafungwa.

Minisiteri y’uburezi yatangaje ko abanyeshuri bari basanzwe biga bacumbikirwa baguma mu bigo bigamo.

Yasabye abarimu n’abarezi kureba uko abana bakomeza kwiga hakoreshejwe ikoranabuhanga ‘aho bishoboka.’

Itangazo rivuga ko amashuri yo mu zindi Ntara akomeza kwiga uko byari bisanzwe hubahirizwa amabwiriza yo kwirinda Icyorezo COVID-19.

Minisitiri w’uburezi avuga ko ariya mabwiriza azubahirizwa mu gihe cy’ibyumweru bibiri, nyuma izindi ngamba zikazafatwa hamaze gusuzumwa uko ubwandu bwifashe mu Mujyi wa Kigali no mu zindi Ntara.

Itangazo

Minisitiri Dr Valentine Uwamariya yabwiye RBA ko mu by’ukuri ingengabihe y’amasomo mu Rwanda yahungabanyijwe na COVID-19

Yavuze ko imiterere y’icyorezo COVID-19 ariyo izajya igena uko amasomo atangwa.

No mu tundi turere amasomo ashobora guhagarikwa…

Minisitiri w’uburezi avuga ko uko kiriya cyorezo kizamera mu tundi turere bizagena niba hari andi mashuri yafungwa mu rwego rwo kwirinda ko hari abandi bana bakwandura.

Dr Valentine Uwamariya ati: “ Ubu dufunze ayo mu Mujyi wa Kigali ejo twareba twasanga n’ahandi hari ubwandu tukaba twahafunga.”

Minisitiri Uwamariya yavuze ko ababyeyi bo mu Mujyi wa Kigali batazishyura andi mafaranga y’ishuri amashuri niyongera gufungura, ko ariya mafaranga ari yo azaherwaho.

Yasabye abarimu bo mu bigo bikigisha ko bakomeza gushishikariza no gufasha abana kwirinda kwandura cyangwa kwanduzanya COVID-19.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement