Menu
Indimi
Advert

Mu Rwanda

Ubwoko Bwa COVID-19 Bwo Mu Buhinde Bwageze Muri Kenya

Yanditswe kuwa

Umuyobozi Mukuru muri Minisiteri y’Ubuzima muri Kenya, Dr. Patrick Amoth, yatangaje ko abantu batanu basanzwemo ubwoko bushya bwa Coronavirus burimo gukwirakwira mu Buhinde, bwandura cyane ndetse bukica kurusha ubusanzwe.

Mu kiganiro n’abanyamakuru kuri uyu wa Gatatu, Dr Amoth yavuze ko ubwo bwandu bwabonetse mu bantu bakora mu ruganda rw’inyongeramusaruro, i Kisumu.

Yagize ati “Kubera uburyo duhahirana n’isi yose, biba ari igihe gito. Ntabwo Wabasha gushyiraho imbibi ngo ukumire virus ntiyinjire ku butaka bwawe.”

Yavuze ko bakomeje gushakisha abantu bose baba barahuye n’abasanzwemo ubwo bwandu, ngo bapimwe.

Kenya ibaye igihugu cya kabiri muri Afurika y’Iburasirazuba gisanzwemo ubwo bwandu bwa COVID-19 bwagaragaye mbere mu Buhinde, nyuma ya Uganda yabutahuye mu muturage wari uvuye muri icyo gihugu.

Ibihugu byinshi byamaze guhagarika ingendo z’indege ziva mu Buhinde. Igihugu giheruka kubikora ni Tanzania, mu mabwiriza yayo yasohotse kuri uyu wa Kabiri.

U Buhinde buri ku mwanya wa kabiri mu bihugu bimaze kugaragaramo abanduye benshi ku Isi, kuko ubu bagera kuri miliyoni 20.6, inyuma ya Leta Zunze Ubumwe za Amerika ifite miliyoni 33,2.

Abamaze kwandura mu Buhinde barimo 355.000 basanzwemo uburwayi kuri uyu wa Kabiri, imibare yabaye nk’igabanyuka kuko nko ku wa 30 Mata habonetse abanduye 400.000.

Abamaze kwitaba Imana ni ibihumbi 226.

Tanga igitekerezo

Tanga igitekerezo

Your email address will not be published. Required fields are marked *

Advertisement
Advertisement
Advertisement
Advertisement
Advertisement
Advertisement
Advertisement