Taarifa
  • Ahabanza
  • Mu Rwanda
  • Mu mahanga
  • Ubukungu
  • Politiki
  • Imikino
  • Imyidagaduro
Reading: Uko Kaminuza Y’Ubuzima Izagira Uruhare Mu Iterambere Ry’Ubukerarugendo
Font ResizerAa
TaarifaTaarifa
  • English VesrsionEnglish VesrsionEnglish Vesrsion
Search
  • Ahabanza
  • Mu Rwanda
  • Mu mahanga
  • Ubukungu
  • Politiki
  • Imikino
  • Imyidagaduro
Have an existing account? Sign In
Follow US
© 2022 Foxiz News Network. Ruby Design Company. All Rights Reserved.
Mu Rwanda

Uko Kaminuza Y’Ubuzima Izagira Uruhare Mu Iterambere Ry’Ubukerarugendo

Umwanditsi wa Taarifa
Last updated: 13 October 2021 11:17 am
Umwanditsi wa Taarifa
Share
SHARE

Abayobozi muri Kaminuza mpuzamahanga  y’ubuzima n’ubuvuzi kuri bose yitwa University of Global Health Equity n’abo mu Nzu ndangamurange y’amateka y’u Rwanda batangiye imikoranire izamara imyaka ibiri. Izafasha abakora mu nzu ndangamurage muri rusange kubona abahanga bo muri iriya Kaminuza bazabigisha uko barushaho kwita ku byo baranga amateka binyuze mu bushakashatsi bwaguye.

By’umwihariko, abo mu nzu ndangamateko yitiriwe Richaed Kandt bazafashwa kumenya uko bakwita ku nyamaswa zirimo inzoka, utunyamasyo, n’izindi z’ibikururanda byabagaho mu Rwanda rwo hambere y’umwaduko w’Abazungu birindiwe muri cyanya kiriya nzu.

Amb Robert Masozera uyobora Inzu ndangamurage z’u Rwanda

Umuyobozi mukuru w’Inzu ndangamurage z’u Rwanda Ambasaderi Robert Masozera yavuze ko bishimiye imikoranire n’iriya Kaminuza kuko bizabafasha kumenya uko bakwita kuri bimwe mu byo babungabunze.

Ati: “ Mu by’ukuri imikoranire yacu n’iriya Kaminuza ni ingenzi kuko ubufatanye hagati y’aba bantu natwe buzadufasha kumenya uko bakwita kubyo tubungabunze byaranze amateka yacu.”

- Kwmamaza -
Ad imageAd image

 

Umuyobozi w’inzu ndangamurage yitiriwe Richard Kandt witwa Carine Urusaro Batamuriza ahabereye umuhango wo gutangiza buriya bufatanye nawe yashimye ko abakozi b’inzu ndangamurage ayobora bagiye kuzakorana n’abahanga bo muri kiriya Kaminuza kugira ngo amateka iriya nzu ibungabunze bizarambe.

Carine Urusaro Batamuriza umuyobozi w’inzu ndangamurage yitiriwe Umudage Richard Kandt

Umuyobozi wa Kamuniza wungirije ushinzwe imari n’ubutegetsi muri Kaminuza mpuzamahanga y’ubuzima n’ubuvuzi kuri bose witwa Rogers Muragije nawe yavuze ko bazakora uko bashoboye bagakorana neza n’abo muri iriya nzu ndangamurage.

Ati: “ Icyo tugamije ni ukuzakorana mu bushakashatsi kugira ngo ibyo  bakora bimenyekane natwe ibyo dukora bimenyekane. Bakeneye ubumenyi mu binyabuzima, uko babika neza ibintu nyaburanga babungabunze kandi ni ubufatanye twizeye ko buzatanga umusaruro ku mpande zombi.”

Inzu ndangamurage  ya Richard Kandt mu ncamake:

- Advertisement -

Richard Kandt yari umusirikare w’Umudage akaba n’umushakashatsi waje muri Afurika agamije kureba imiterere y’imigezi y’aho n’uburyo abari bayituye babanaga.

Niwe wabaye Guverineri wa mbere w’u Rwanda mu ntangiriro z’ikinyejana cya 20.

Yageze mu Rwanda aza no kuba Rezida wa mbere w’Umujyi wa Kigali. Rezida twamugereranya na Meya w’Umujyi wa Kigali.

Ni nawe witirirwa ko yawushinze.

Ingoro yari atuyemo n’ubu iracyahari  ariko yahinduwe ingoro ndangamurage yamwitiriwe.

Iriya ngoro igizwe n’ibice bibiri:

Hari igice kigizwe n’inzu yari atuyemo, iyi ikaba imurikwamo amashusho n’ibisigaramatongo byerekana ubuzima bw’Abanyarwanda nk’uko Kandt yabusanze.

Mu gikari hari ikindi gice cyagenewe bimwe mu bikoko by’ibikururanda yasanze mu Rwana harimo inzoka n’ingona.

Igice kirimo uko ubuzima bw’abanyatwanda bwari bumeze cyerekana ingoro z’umwami Kigeli IV Rwabugiri, ifoto ye, ingoro y’Umwami Yuhi IV Musinga ndetse n’amafoto ari kumwe n’abatware nka Kanuma na Rwabutogo.

Aba batware biyongeraho ifoto ya mugenzi wabo witwaga Rwubusisi wafashije Ababiligi kwivugana Umutwa witwaga Basebya wari warigometse ku butegetsi bwa Musinga.

Ni igice cyerekana uko Abadage bategetse u Rwanda ndetse n’uko Ababiligi barusange nyuma y’uko Abadage batsinzwe mu ntambara ya Mbere y’Isi ni ukuvuga mu mwaka wa 1916.

Ibiri muri iki cyumba birakomeza bikerekana uko Abanyarwanda babayeho kugeza babonye ubwigenge mu mwaka wa 1962.

Intego za Kaminuza mpuzamahanga  y’ubuzima n’ubuvuzi kuri bose

Iyi Kaminuza ifite ikicaro i Butaro

Kaminuza Mpuzamahanga mu by’ubuzima(The University of Global Health Equity (UGHE), iherereye mu Majyaruguru y’u Rwanda, mu Karere ka Butaro.

Ni Kaminuza iri mu zikomeye ku isi, umwe mu bayobozi bayo bakuru ari Madamu Jeanette Kagame, uherutse gutorerwa  kuba Umuyobozi wungirije w’Inama ngishwanama y’inararibonye z’Abanyafurika yiswe African Advisory Board.

Yatowe ari kumwe na Professor Senait Fisseha, ushinzwe ibikorwa by’ikigo Buffett Foundation ku rwego rw’isi(Director Global Programs).

Mu mwaka wa 2014 nibwo igitekerezo cyo kuyishinga cyatangijwe n’ubuyobozi bw’ikigo Cummings Foundation gifatanyije n’ikigo kitwa Bill & Melinda Gates Foundation ndetse na Partners In Health hagamijwe gushinga Kaminuza izafasha abatuye isi muri rusange n’Afurika by’umwihariko kubona serivisi nziza z’ubuzima.

Akarusho kuri ibi ni uko izi serivisi zigomba kuba ari nziza kandi zirambye.

Kugira ngo bigerweho ni ngombwa ko ubuyobozi bw’iyi Kaminuza mpuzamahanga bukorana n’abakuru ba za Kaminuza zigisha iby’ubuzima, abakuru b’ibigo by’ubushakashatsi mu by’ubuzima ndetse no kungurana ibitekerezo n’abafata ibyemezo bya Politiki muri rusange.

TAGGED:featuredKaminuzaKandtMasozeraRusaroRwandaUbuzima
Share This Article
Facebook Twitter Whatsapp Whatsapp Telegram Threads
Previous Article Abakora Muri Za Isange One Stop Centers Barasabwa ‘Kwiminjiramo Agafu’
Next Article Perezida Kagame Yasubije Abakomeje Gusaba Ko Rusesabagina Arekurwa
Tanga igitekerezo

Leave a Reply Cancel reply

Your email address will not be published. Required fields are marked *

- Advertisement -

Aheruka

Uko I&M Bank Rwanda Yungutse Mu Mezi Atatu Ashize

Martin Ngoga Yabaye Ambasaderi W’u Rwanda Muri UN

Igihangange Manny Pacquiao Agiye Kugaruka Mu Iteramakofe

Abatuye Umujyi Wa Kigali Bari Mu Bibasiwe Na Malaria

Intambara Y’Amagambo Hagati Ya Israel N’Ubwongereza

- Advertisement -
Ad imageAd image
- Advertisement -

Trending News

Nyarugenge: Imodoka Ya WASAC Yibwe

Nyagatare: Haravugwa Kotsa Burushete Z’Imbwa 

BNR Mu Ngamba Zo Kurushaho Guteza Imbere Ikoranabuhanga Mu Kwishyurana

Cardinal Kambanda Yatunguwe No Kumva Ko Kwa Yezu Nyirimpuhwe Hafunzwe

Impuguke Ya UN Irasuzuma Uko Ubukene Buhagaze Mu Banyarwanda

You Might Also Like

Mu mahangaPolitiki

Kabila Yambuwe Ubudahangarwa

Yandtswe na Umwanditsi wa Taarifa
Mu RwandaUmutekano

RIB Yafunze Abanyamahanga Batatu

Yandtswe na Umwanditsi wa Taarifa
Mu RwandaUbutabera

Gasabo: Hafashwe Abanigaga Abantu Bakabambura

Yandtswe na Umwanditsi wa Taarifa
Mu RwandaUbutabera

Uwahoze Muri RDF Akurikiranyweho Ibyaha Byo Mu Mabuye y’Agaciro

Yandtswe na Umwanditsi wa Taarifa

Taarifa is a Rwandan News Platform telling true stories by delivery quick, in-depth and exclusive news on Social, Political, and Economic issues.

  • +250788316164
  • +25078457033
  • [email protected]
  • [email protected]
Facebook Twitter Youtube Instagram Flickr Tiktok

Mu Rwanda

  • Politiki
  • CHOGM-2022
  • Umutekano
  • Ubukungu

Mu Mahana

  • Mu Mahanga

Mu Mahana

  • Imikino
  • Imyidagaduro

Indimi

English

Francais

© 2015-2023 Copyright Taarifa.rw | All rights reserved.

  • Advertise
  • About Us
  • Contact
  • Privacy Policy
  • Terms & Conditions
Go to mobile version
Welcome Back!

Sign in to your account

Lost your password?