Dr Didas Kayihura Muganga wari usanzwe ari Perezida w’Inama Njyanama y’Umujyi wa Kigali yagizwe Umuyobozi Mukuru w’agateganyo wa Kaminuza y’u Rwanda.
Itangazo rivuye mu Biro bya Minisitiri w’Intebe Dr Edouard Ngirente niryo ryabyemeje mu izina rya Nyakubahwa Perezida Paul Kagame.
Ubuyovozi bw’Umujyi wa Kigali nabwo bwasohoye itangazo bwifuriza Dr Didas Kayihura Muganga kuzagira imirimo myiza kandi bumushimira ko yari amaze igihe akorana neza na Nyobozi yawo.
Asanzwe akora mu Ishuri rikuru ryigisha amategako, Institute of Legal Practice and Develpment, ILPD.
We are pleased to welcome the new Ag. Vice Chancellor Dr Didas Kayihura Muganga and the new Deputy Vice Chancellor for Strategic Planning and Administration Dr Raymond Ndikumana. Welcome aboard. pic.twitter.com/cXn5686FYo
— University of Rwanda (@Uni_Rwanda) July 16, 2022
Itangazo rishyira Dr Kayihura muri uriya mwanya niryo ryanashyize Dr Raymond Ndikumana ku mwanya w’Umuyobozi wa Kaminuza y’u Rwanda wungirije ushinzwe igenamigambi n’ubutegetsi.
